As competencias básicas IES Concepción Arenal

Memoria final de curso

2011-05-31T20:20:00.000-07:00

Despois das ultimas sesións formativas tanto con Sara como co grupo de traballo para poder obter o informe final definitivo cos indicadores necesarios para cada unha das competencias, por fin !!!, damos por concluido o curso 2011 no que se refire o traballo do Plan de autoavaliación e mellora da calidade na educación.

Aquí tedes a memoria final que presentamos:

Tamén vos presento as actas das reunións que tivemos...

Unha aperta a todos e seguimonos no BLOG...

O informe definitivo

2011-05-30T00:50:00.000-07:00

Despois de ter analizado por todos os compenentes do grupo de traballo o primeiro informe de avaliación do alumnado por competencias, estimamos que o numero de indicadores era excesivo, polo que temos reducido o numero de cuestións de cada unha das competencias de cinco a tres, deste xeito o informe final queda así.

Novo informe de avaliación final

2011-04-25T04:13:00.000-07:00

Para poder rematar cas modificacións posibles, este é o informe (revisión 1) de avaliación final en canto a consecución de competencias básicas do alumnado de ESO no IES Concepción Arenal.
Para que todos o poidades estudalo e fagades as criticas pertinentes.
Este documento foi revisado tendo en conta as anotacións que tomamos na vista de Sara o centro, e aínda que poden faltar cousas ou alguna visión difierente do que ela expuso, así temos un texto sobre o que poidamos traballar...
As cousas máis salientables (correccións, erros, ortografía e gramática..) enviadelas como comentarios para que tod@s podamos velas...

Ponencia de Sara Alvarez Morán do día 11 de Abril de 2011

2011-04-15T04:03:00.000-07:00

O pasado luns día 11 de abril, visitounos Sara Alvarez, para revisar o traballo que fixemos no que vai de curso.
As críticas sempre positivas estiveron fundamentadas na categorización das preguntas que temos no noso modelo de avaliación final...
Deixovos a presentación que me fixo chegar Sara cas posibles modificacións das cuestións relativas a adquisición das competencias básicas.

As últimas competencias que nos quedan...

2011-04-01T04:48:00.000-07:00

O pasado día 30 de marzo celebramos a última reunión do grupo de traballo para terminar cas cuestións relativas as dúas competencias que nos faltaban, a competencia de aprender a aprende e a competencia de autonomía e iniciativa persoal.
Deste modo as cuestións para cada unha delas é:
Competencia de aprender a aprender:

Ten conciencia das capacidades que entran en xogo na aprendizaxe (comprensión lectora, concentración, memoria …).
Manifesta vontade por aprender avaliando os erros cometidos no proceso de aprendizaxe.
Analiza información de distintos contextos e intégraa correctamente cos seus coñecementos previos.
Organiza con eficacia o seu tempo e os recursos materiais para desenvolver actividades tanto individuais como colectivas.
Desenvolve as súas capacidades e tenta superar as súas carencias e/ou limitacións.

Competencia de autonomía e iniciativa persoal:

Ten ideas e/ou imaxina proxectos.
É capaz de defender as súas ideas e de escoitar as dos demais.
Toma decisións valorando as vantaxes e inconvenientes utilizando a información de diversas fontes e asume responsabilidades.
Persevera no desenvolvemento das súas propostas.
Desenvolve habilidades e actitudes relacionadas co liderazgo do proxecto.

Competencia Social e cidadá e a competencia cultural e artística

2011-02-24T00:48:00.000-08:00

Nesta sesión do 23 de febreiro estivemos a traballar duas competencias máis para ter feitas as oito competencias. Neste caso nos ocupan:

A Competencia social e cidadá
A Competencia cultural e artística

Na competencia Social e cidadá quedará a seguinte proposta de cuestións a facer o profesorado sobre o alumnado:

Ten un comportamento respetuoso con todos os membros da comunidade educativa.
Respeta as instalacións do centro, así como os bens materiais propios e alleos.
Relaciónase dun xeito tolerante con outras persoas e participa en actividades de grupo.
Practica o dialogo e a negociación para chegar a acordos na resolución de conflictos.
Comprende e practica os valores dunha sociedade democrática (igualdade, liberdade, solidariedade…)

Do mesmo xeito a competencia cultural e artística ten es seguintes cuestións:

Aprecia e valora o patrimonio cultural e artístico.
Emprega diferentes recursos da expresión artística para a elaboración de creacións propias.
Valora a liberdade de expresión e o dereito á diversidade cultural.
Relaciona as distintas manifestacións culturais e artísticas coa evolución da sociedade.
Participa da vida cultural e artística do centro.

Vemonos na próxima reunión o vindeiro día 30 de marzo as 16:30h.

A competencia do coñecemento e interación co mundo físico e a dixital

2011-02-05T23:57:00.000-08:00

O día 2 de febreiro de 2011 volvímonos reunir o grupo de innovación educativa do IES para acadar un conxunto de preguntas, do mesmo xeito que nas anteriores, que nos axuden a observar o grao de consecución das competencias básicas do alumnado no centro.

Despois dunha longa sesión na que consensuamos termos chegamos a un acordo nas seguintes preguntas para a Competencia do coñecemento e interación co mundo físico:

Interpreta os fenómenos naturais, científicos e tecnolóxicos.
Aplica o pensamento científico tecnolóxico para propoñer solucións aos problemas do seu contorno.
É consciente da influencia da actividade física e dos hábitos de vida na saúde.
Adoita criterios de responsabilidade no consumo.
Asume a necesidade da proteción do medio natural.

Unha vez rematada esta competencia comenzamos ca seguinte; a Competencia dixital, e tamén conseguimos, axustando os termos da redacción estar de acordo nas seguintes preguntas:

Utiliza as novas tecnoloxías para resolver problemas en distintas situacións.
Busca e selecciona axeitadamente información na rede para transformala en coñecemento.
Emprega as TIC de forma crítica e reflexiva para a realización de traballos persoais ou colaborativos.
Elabora producións dixitais utilizando as TIC.
Respecta as normas de conducta aceptadas socialmente no uso das TIC.

Emplazamos o membros do grupo de traballo a seguinte reunión o vindeiro día 23 de febreiro as 16:30 h para traballar sobre outras dúas competencias:

Competencia Social e cidadá.
Competencia Cultural e artística.

A competencia matemática no IES Concepción Arenal

2011-01-20T22:54:00.001-08:00

O día 19 de xaneiro de 2011 reunímonos o grupo de innovación educativa do IES para acadar un conxunto de preguntas que incluiremos no informe final da avaliación para observar o grao de consecución das competencias básicas do alumnado no centro.
Neste caso nos enfrontamos á Competencia Matemática, e despois de dúas horas de debate e discusión chegamos a un acordo nas seguintes preguntas:

Identifica e interpreta o significado dos elementos matemáticos básicos (números, medidas, simbolos…) en diferentes contextos.
Interpreta información recollida en gráficas, taboas, datos estadísticos …
Utiliza axeitadamente información e razoamentos matemáticos para enfrontarse ás situacións da vida cotiá.
Produce información utilizando ferramentas e razoamentos lóxicos e matemáticos.
Valora con sentido crítico o grao de coherencia dos resultados obtidos.

Unha vez rematada esta competencia comenzamos ca seguinte, pero polo cansancio e o avanzado da tarde, decidimos continuar na seguinte reunión, o vindeiro día 2 de febreiro as 16:30h.

Feliz ano 2011 a tod@s!!

2011-01-14T13:29:00.001-08:00

Neste novo ano infórmovos que as seguintes reunións do grupo de traballo están xa publicadas no calendario do blog:

E son:

O mercores 19 de xaneiro as 17:30 h,
O mercores 2 de febreiro,
O mercores 23 de febreiro,
O mercores 30 de marzo.
O luns 11 de abril teremos a sesión formativa con Sara Álvarez Durán.

Na sesión do día 19 de xaneiro traballaremos as cuestións relativas as competencias matemática e para o coñecemento e interación co medio físico, polo que vos recomendo que para axilizar o desenvolvemento da mesma preparedes algo como o que fixemos nas sesións anteriores.

Para facilitarvos o traballo remitovos dous enlaces:
O primeiro é o documento que envió Sara co exemplo doutro centro:

http://www.slideshare.net/mdcastro/exemplo-informe-avaliacion

O segundo ca documentación referente a lexislación vixente:

http://www.xunta.es/dog/Dog2007.nsf/0e5fb445f3681a75c1257251004b10d7/da46a7b5b5e377a1c1257316004f852b/$FILE/13600D001P004.PDF

(deste documento ver o Anexo I Competencias básicas, dende a páxina 12042 ata 12048)

Ponencia de Sara Alvarez Durán

2010-12-13T21:13:00.000-08:00

No día de hoxe tivemos o enorme pracer de contar ca presenza de Sara Álvarez Morán coma ponente no noso centro para o grupo de Innovación que esta a traballar no tema da incorporación das Competencais Básicas no instituto.
Sara que vino dende Asturias no mesmo día pasou a tarde con nos.
Para todos vos aquí tedes a presentación ca que estivemos a traballar.

Se tedes algún comentario ou dubida facedelo dende este blog, pois ela mesma poderá aportar a súa visión as nosas preguntas e desta maneira aproveitaremos máis esta canle de comunicación

Ponencia de Sara Alvarez Morán o día 13 de Decembro de 2010

2010-12-09T02:11:00.000-08:00

Lembrade que a vindeira reunión do grupo de Innovación educativa do IES Concepción Arenal será o día 13 de decembro as 16:00 (ata as 19:00 aprox.)

Nesta reunión intervendrá coma poñente Sara Álvarez Morán, a mesma poñenete que o curso pasado.

Tratará de resolvernos máis dubidas sobre as competencias básicas, a realización de tarefas e fundamentalmente os enfoques sobre o informe que estamos a confeccionar para as avaliacións.

A idea é que esta mesma poñente volva noutras dúas ocasións o centro durante este curso polo que será interesante que levemos pensado un posible calendario de próximas visitas. Eu penso que sería interesante para seguir co traballo, que estas sexán o máis intercaladas posibles cas reunións ordinarios do grupo de traballo, polo que podrían ser no mes de marzo e no mes de maio, se vos parece ben, e ela ten disponibilidade.

Traballo realizado sobre a comunicación lingüística

2010-11-19T00:22:00.000-08:00

Despois dunha larga discusión por parte dos membros do equipo de tragaballo, estas son as cuestións relativas a competencia en comunicación lingüística que ao noso parecer integrarán o informe de avaliación final do alumnado:

Comprende e interpreta as mensaxes orais e escritas que lle permiten desenvolverse na vida cotiá.
Exprésase oralmente de forma clara, ordenada e fluída (ideas, emocións, necesidades…)
Exprésase por escrito de forma estruturada e precisa.
Razoa, debate e argumenta con sentido crítico.
Usa de forma axeitada técnicas de organización do pensamento (resumos, esquemas, cadros, táboas, mapas, gráficos …)

Informes de exemplo para o estudo das CCBB nas avaliacións

2010-11-19T00:18:00.000-08:00

Este exemplo foi enviado por Sara para que puidesemos comenzar os traballos nas primeiras sesións do grupo.
Tamén achegounos este outro exemplo para o seu estudo e análise.

Informe de avaliación do IES Terra de Trasancos

2010-11-13T01:21:00.000-08:00

Reunión do grupo de traballo

2010-11-12T01:11:00.000-08:00

Despois do primeiro encontro entre o profesorado que desexa formar parte do grupo de traballo deste Plan de autoavaliación da mellora da calidade da educación: educación en competencias básicas (que a partires de agora chamaremos Grupo de Traballo en CCBB para acortar... ) teremos un segundo encontro para comenzar o traballo.
Esperamos que máis profesores/as súmense a esta iniciativa de participar no grupo de traballo . Esperamovos a todos...!!!
Para esta sesión imos traballar un dos obxectivos marcados no proxecto, elaboración dunha folla de cuestións que nos sirva de ferramenta para averiguar o grao de adquisición polo alumndo das competecias básicas.
Como imos facelo ben e pouco a pouco comenzaremos pola competencia en comunicación lingüistica, e polo tanto tratremos de levar cada un varias preguntas que demostren de modo eficaz que un alumno/a e competente en comunicación lingüistica.
Lembrade que o próximo luns 13 de decembro esperamos a sesión formativa de Sara Álvarez Durán que tentará axudarnos nesta tarefa.

Outro curso co traballo das competencias básicas.

2010-11-09T14:49:00.000-08:00

Ola e benvidos a todos e todas a este espazo de traballo das Competencias Básicas no IES Concepción Arenal de Ferrol.
Neste curso 2010-2011 e continuando co traballo realizado no curso anterior, volveron a concedernos o proxecto "Plan de autoavaliación e mellora da calidade da educación: educación en competencias básicas."
No curso 2009-2010 tivemos sesións formativas e reunións dos membros do profesorado que participaron no proxecto, e nestas sesións conseguimos aclarar moitas das dúbidas que tiñamos sobre o tema das competencias básicas.
Unha das cousas máis interesantes que fixemos foi escoitar as ponencias de Sara Alvarez Morán, que nos meses finais do curso puido facer un oco na súa axenda e vir ata Ferrol dende o seu centro de traballo, Oviedo.
Neste curso queremos que veña outra vez a axudarnos para levar adiante este proxecto e polo de agora temos a súa confirmación para tres sesións formativas, unha en cada trimestre.
Dende aquí animovos a participar neste traballo sobre competencias básicas polos motivos seguintes:

As competencias teremos que utilizalas nas avaliacións
Agora podemos obter unha certificación por innovación educativa de 50 h por participar.

Proxecto do plan presentado no curso 2010-2011

2010-11-08T16:09:00.000-08:00

Memoria presentada o curso 2009-2010

2010-11-08T15:52:00.000-08:00

Actas das reunións do curso 2009-2010

2010-11-08T15:24:00.000-08:00

Proxecto presentado no curso 2009-2010

2010-11-08T14:57:00.000-08:00

Primeira reunión do grupo de traballo

2010-11-01T21:42:00.000-07:00

O día 2 de novembro as 16:30 horas na aula de usos múltiples, reunirémonos todos aqueles que queirades participar neste curso no "Plan de autoavaliación e mellora da calidade da educación: educación en competencias básicas".
O motivo desta reunión é

Darvos a coñecer os proxectos e memorias presentados a inspección,
Confeccionar a listaxe de persoal que está interesado/a en participar,
Elaborar o calendario de reunións para todo o curso,
Establecer as datas das sesións formativas,
Aclarar os obxectivos do proxecto neste curso.

Animadevos a participar e os espero na reunión.